Pas tërmeteve të njëpasnjëshme që tronditën Shqipërinë këtë të martë, Komuna e Malishevës ka pezulluar të gjitha aktivitetet parapërgatitore për festat kombëtare të 28 dhe 29 nëntorit. Në shenjë solidarizimi me qytetarët shqiptarë.
Ky lajm është konfirmuar nga vetë Komuna në fjalë, përmes një njoftimi për shtyp.
“Kryetari i Komunës së Malishevës, Ragip Begaj, pasi është konsultuar me organet përgjegjëse komunale, vendosi t’i pezulloi të gjitha aktivitete të parapara për shënimin e 28 Nëntorit.
Komuna e Malishevës, solidarizohet me vëllezërit dhe motrat në Shqipëri nga tërmeti i sotshëm që ndodhi, njëherësh shpreh dhembjen, për ata që humbën më të dashurit e tyre në këtë fatkeqësi natyrore”, shkruhet në njoftim.
Haradinaj jep 500 mijë euro për të prekurit nga tërmeti i fortë
Deri më tani 15 persona kanë humbur jetën, ndërsa qindra të tjerë janë lënduar.
