Komiteti Teknik i Ekspertëve njofton masat e reja anti-covid

Edhe pse në ditët e fundit kurba e koronavirusit ka pësuar një ulje të ndjeshme në vendin tonë, masat kufizuese dhe ora policore nuk do të ndryshojnë.

Këtë e ka bërë të ditur Komiteti Teknik i Ekspertëve përmes një konference për mediat, ku kryetarja Mira Rakacolli  u shpreh se situata vijon që të jetë delikate.

Ndër të tjera, Rakacolli tha se grumbullimet janë të ndaluara dhe se do të vazhdojë pezullimi i fluturimeve me Britaninë e Madhe.

Mira Rakacolli: ”Pavarësisht uljes së indikatorëve situata ende mbetet delikate. Për këtë arsye komiteti ka vendosur që masat të mos ndryshojnë, ora policore nga 20:00-06:00. Baret dhe restorantet do të punojnë vetëm me orën 20:00.online, ndalimi i grumbullimeve dhe pezullim i fluturimeve me Britaninë e Madhe. Vendi po hyn në fushatë zgjedhore dhe në vëzhgim të vendeve të tjera që kanë zhvilluar zgjedhje në kohë pandemie është vërë re se kur masat janë zbatuar nuk ka pasur tendencë rritje të infeksioneve. Prandaj qytetarët të zbatojnë masat mbrojtëse, të ndalojnë grumbullimet, të mbajnë maskat dhe të ruajnë distancën”.