Kryetari i Akademisë së Shkencave, Skënder Gjinushi, është shprehur se duhet pasur kujdes me ndërtimet që do të bëhen.
Gjatë fjalës së tij në tryezën e Komitetit Kombëtar të Rindërtimit, Gjinushi tha se Akademia e Shkencave është e gatshme të bëjë rolin e organizatorit në këtë rast. Ai shtoi se duhet ndërtuar një hartë për situatën pasi shumë qytete në Shqipëri janë vatra të rrezikuara.
“Mendoj se gjërat janë kapur siç duhet. Por unë doja të marr një çështje, studimet që bëhen për sizmologjinë etj. në të ardhmen të zbatohen kodet evropiane. Studimet për këtë ekzistojnë dhe vlerësoj se këtë detyrë mund ta marrë Akademia e Shkencave. Ne jemi gati të jemi organizatori, madje të ngremë edhe një strukturë të përkohshme. Jemi konsultuar edhe me qendrat dhe akademitë rajonale, për të bërë qoftë akademi rajonale për këtë çështje. Por kryesorja është që të ndërtohen harta për situatën. Tirana, Durrësi, Shkodra, Vlora etj janë disa vatra që kanë rrezikshmëri. Ndërtimet në Shqipëri duhet të jenë të garantuara”, tha ai.
Denonco ne TT