Pas publikimit të raportit të Komisionit të Venecias, ka ardhur edhe reagimi i avokatit të njohur, Spartak Ngjela.
Përmes një postimi në Facebook, Ngjela shprehet se Komisioni i Venecias e shkarkoi presidentin Meta, teksa citon një fragment nga raporti:
“Komisioni i Venecias e shkarkoi Metën. Nuk kish si të ishte ndryshe. ‘Nuk ka kompetencë kushtetuese Presidenti, dhe në asnjë ligj, që të ndryshojë datën e zgjedhjeve’, thotë Komisioni”, shkruan avokati në postimin e tij.
Më tej, Ngjela shkruan se ai e kishte paralajmëruar këtë gjë, teksa ngre pyetjen tjetër se çfarë ka ndodhur me stafin juridik të presidentit.
Postimi i plotë:
Komisioni i Venecias e shkarkoi Metën.
Nuk kish si të ishte ndryshe. “Nuk ka kompetencë kushtetuese Presidenti, dhe në asnjë ligj, që të ndryshojë datën e zgjedhjeve”, thotë Komisioni.
Këtë thashë edhe unë kur shpjegova pavlefshmërinë absolute të aktit administrativ.
Është pika e parë e ligjit në të dy kodet: edhe në Kodin Civil, edhe në Kodin e Procedurës Administrativë kjo që shpreh Komisioni i Venecias.
Por pyetja që duhet ngritur këtu është kjo: Çfarë ka ndodhur në stafin juridik të këtij Presidenti?
Është forca e arbitrarizmit të tij që i është imponuar juristëve të tij të flisnin si qytetarë të thjeshtë, apo ata janë servilë të Metës deri në lakeizëm? Ore, apo ia kanë hedhur juristët e stafit këtij njeriu mediokër?
Koha do ta tregojë…
Gjithsesi… koha po ecën vijimisht në favor të shqiptarëve dhe kundër korrupsionit të lartë shtetëror…
Kjo është kryesorja e këtij çasti juridik që sot u hodh kundër presidentit shqiptar…
