Presidenti i Republikës, Ilir Meta, ka vendosur që të paraqitet në Komisionin Hetimor të ngritur nga Parlamenti, ku po trajtohen shkeljet e pretenduara për rrëzimin e 30 qershorit si datë për zgjedhjet lokale.
Zëdhënësi i Presidentit, Tedi Blushi, ka konfirmuar se Meta do të jetë në Parlament ditën e hënë.
“Të dashur kolegë gazetarë që vazhdoni të më pyesni nëse do të shkojë apo jo Presidenti Meta në Parlament.
Ju konfirmoj me përgjegjshmëri maksimale se: Ditën e hënë, Presidenti Meta në ora 09:59 do të jetë në Parlament”.
Edhe më herët, Presidenti i Republikës reagoi nëse do shkojë në Parlament, për të dëshmuar para Komisionit Hetimor, i ngritur për shkarkimin e tij.
Në një status në rrjetet sociale, Meta shpreheshe se mezi priste të ktheheshe tek Parlamenti.
Komisioni Hetimor është vetëm një nga hapat që ka ndërmarrë mazhoranca, për të arritur te shkarkimi i Presidentit nëse provohet shkelja e Kushtetutës me anulimin e datës së zgjedhjeve.
