Presidenti Meta ka pritur sot në presidencë kryenegociatorin Zef Mazi. Ky i fundit do të jetë në krye të grupit, që do të zhvillojë bisedimet për anëtarësimin e Shqipërisë në BE.
Takimi ka zgjatur për rreth 30 minuta, ndërsa kreu i shtetit ka zbuluar se gjatë takimit është folur për perspektivën e çeljes së negociatave.
Ndër të tjera, Meta njofton me anë të një statusi në Facebook se politika jonë, duhet të tregojë vullnet për plotësimin e kushteve.
Statusi
Kënaqësi të prisja sot në takim Ambasador Zef Mazin, i emëruar nga Qeveria Kryenegociator për zhvillimin e negociatave për anëtarësimin e Shqipërisë në Bashkimin Europian. Diskutuam hapur e në mënyrë konstruktive për perspektiven e çeljes së negociatave. Ndërsa politika jonë duhet të tregojë vullnet për plotësimin e kushteve, është e rëndësishme përgatitja teknike dhe rritja e kapaciteteve negociuese. E sigurova për mbështetjen e plotë në detyrën e tij nga institucioni i Presidentit të Republikës. Integrimi europian është objektiv mbarëkombëtar. ????
Takimi mes palëve vjen disa ditë pas publikimit të 15 kushteve të vendosura nga BE, por edhe me një sërë sugjerimesh që presidenti iu ka dërguar të gjitha palëve politike.
