Presidenti Ilir Meta ka pritur në një takim liderin e Lëvizjes Vetëvendosje, Albin Kurtin. Në një postim në Facebook, Meta i ka përcjellë urimet për suksesin e arritur në zgjedhje.
Teksa ka postuar një foto nga takimi, Kreu i Shtetit thotë se uron që Kosova të ecë në rrugën e forcimit të institucioneve demokratike, që të jetë një shembull pozitiv në të gjithë rajonin.
“Kënaqësi të prisja sot liderin e Lëvizjes Vetëvendosje, z. Albin Kurti, dhe ta uroja për suksesin e arritur në zgjedhje. Uroj që Kosova të ecë në rrugën e forcimit të institucioneve demokratike, që të jetë një shembull pozitiv në të gjithë rajonin, siç e dëshmoi edhe në zgjedhjet e fundit, për standardet demokratike, por edhe për mirëqeverisjen”.
