Aktivistja Evi Kokalari ka reaguar sërish pas vendimit të saj për tu larguar nga Komisioni i Rithemelimit të iniciuar nga Sali Berisha. Ajo ka një mesazh ndaj demokratëve e mbështetësve të flaktë të ish-kryeministrit Berisha, për të mos keqkuptuar largimin e saj si braktisje. Kokalari premton mbështetje maksimale. Ajo ka edhe një mesazh për ata që e kanë sulmuar, duke thënë se nuk është dorëzuar dhe i ka paralajmëruar se e ardhmja do të ketë surpriza.
Mesazhi nga Evi Kokalari
Mos e keqkuptoni largimin tim si braktisje të mbështetjes time ndaj Sali Berishas. Ajo mbështetje ka qënë e pakushtëzuar që në orët e para në 19 Maj, dhe e tillë do të mbetet deri në fund.
Atyre që ju gënjen mëndja se jam dorëzuar, dua t’ju them që nuk më keni njohur mirë këto muajt’ e fundit. Më vjen keq t’ju zhgënjej, por e ardhmja do ketë surpriza plot.
Aktivistja Evi Kokalari, të cilën kohët e fundit e kemi parë krah ish-kryeministrit Sali Berisha thuajse në të gjitha “Foltoret” e mbajtura, ka vendosur të tërhiqet nga skena politike në Shqipëri, duke iu rikthyer jetës në SHBA. Vendimin e saj e ka ndarë me ndjekësit në “Facebook”, ku thekon se do të vijojë të jetë në komunikim me anëtarët e Komisionit të Rithemelimit.
