Pavarësisht sekuestrimit të kokainës gjatë ditës së djeshme, ende nuk dihet se kush mund të jenë porositësit e vërtetët të saj. Gazetarja Klodiana Lala ka renditur në mënyrë kronologjike se si u zhvillua operacioni, ndërsa theksoi se nëse ai do ishte rastësisht, kjo do të ishte një situate alarmante.
Sipas gazetares, policia është shumë larg identifikimin e pronarëve të kokainës, e cila u kap dje në kontenjerin e kompanisë në magazinën e kompanisë “Arbi-Garden”.
Ajo shprehet se në dukje të parë një aksion i organizuar nga policia e shtetit, por sipas saj, kjo ende nuk dihet nëse është e tillë.
”Po ta dinte prokuroria dhe policia porositësin do e kishte shpallur në kërkim. Mbetet ende mister. Prokuroria e Krimeve të Rënda e regjistroi vetëm dy ditë më parë këtë rast. Në pamje të parë flet për një hetim shqiptar. Kur them hetim doganor, kontejneri është kaluar në skanerin e Doganës ku është konstatuar se brenda kishte lëndë narkotike por jo lloji. Drejtoria e Përgjithshme e Hetimit Doganor ka sinjalizuar policinë. Mbetet për t’u parë nëse ka qenë operacion në bashkëpunim. Policia njoftoi prokurorinë dhe në vendin e ngjarjes shkoi prokurori Edvin Konvili. Nga dyshimet e para rezulton që bëhet fjalë për një linjë të fuqishme të trafikut. Interesante është rruga e kontejnerit; Kolumbi-Maltë-Itali-porti i Durrësit. Secili kontejner ka një bar kod, ku konfirmohet se ku lëviz mjeti. Në momentin kur është parkuar brenda magazinës, u ndërhy për arrestimin e dy personave. Gjatë ditës së sotme dy personat e arrestuar (Donald Lushaj dhe Armando Pezaku) kanë mohuar akuzat. Ata me gjasa do dalin në gjykatë ku do t’i njihet masa e sigurisë. Sot foli edhe Arbër Çekaj për ‘Neës24’ dhe tha se s’kishte lidhje. Deri tani ai s’ka status të të pandehurit. Ndaj tij ka shpallje në kërkim, që është i vlefshëm për 30 ditë, që do të duhet pas kësaj me një masë sigurie. Tani kemi vetëm të dyshuar. Policia thotë se janë larg pronarëve të drogës. Nëse ky operacion është falë rastësisë, atëherë duhet të shqetësohemi. Kjo do të duhet të ngrejë alarmin, imagjino sesa shumë drogë mund të ketë hyrë në Shqipëri. Ne kemi pasur një aksion në Xibrakë të ndërmarrë nga policia që pati deri diku sukses. Kemi pasur rastin e Klement Balilit që u sinjalizua nga DEA amerikane. Kemi pasur rastin e Domar Konjarit. Për momentin kemi një sasi rekord që nuk është sekuestruar në territorin shqiptar.”, tha Lala.
Dje u arrestua shoferi i kamionit dhe menaxheri i kompanisë, Donald Lushaj dhe Armando Pezaku. Ndërkohë, pronari i kompanisë Arbër Çekaj ndodhet në Gjermani.
