Babai i Arbër Çekajt ka lënë qelinë, për shkak të problemeve shëndetësore. GJKKO ka lënë në “arrest shtëpie” Selim Çekajn. Burimet bëjnë me dije se GJKKO ka vendosur të ndryshojë vendimin e Gjykatës së Posaçme të Shkallës së Parë, duke nxjerrë nga qelia Selim Çekajn. GJKKO ka vendosur të zëvendësojë masën e sigurisë “arrest me burg” në “arrest shtëpie” për Çekajn, i cili kishte kërkuar lirinë, për shkak të problemeve shëndetësore.
Çekaj u arrestua në 1 prill në Portin e Durrësit, pasi në konteinerin e firmës së tij u kapën 49 kg kokainë e ardhur nga Ekuadori, bashkë me ngarkesën me banane. Konteineri doli me pullë të kuqe në skanerin e portit, dhe vetë Selim Çekaj kërkoi që të hapej. Kur pa lëndën narkotike, ai deklaroi se nuk kishte lidhje me të, pasi është vetëm një tregtar frutash. I biri, Arbër Çekaj është dënuar me 14 vite burg po për drogë, e sjellë në të njëjtën skemë me banane nga Ekuadori, dhe e kapur në konteinerët e firmës së tij.
