Ambasadorja e SHBA-ve në vendin tonë, Yuri Kim ka zhvilluar një vizitë në zyrat e SPAK, ku ka takuar kreun e këtij institucioni Arben Kraja, dhe drejtoren e BKH Aida Hajnaj.
Përmes një postimi në rrjetet sociale, Kim u shpreh se viti 2021 filloi me raste të mëdha nga SPAK, dhe në takimin e sotë, mori garanci nga dy zyrtarët, se askush nuk do të jetë mbi ligjin.
Ndër të tjera, Kim paralajmëroi se koha e pandëshkueshmërisë po mbaron.
”Viti 2021 filloi me raste të mëdha nga SPAK. Sot, në takimin tonë me kryetarin Arben Kraja dhe drejtoren e BKH Aida Hajnaj, më siguruan se janë të përkushtuar për të dhënë drejtësi dhe për të siguruar që askush nuk është mbi ligjin. Qoftë për korrupsion, krim të organizuar, apo zgjedhje, koha e pandëshkueshmërisë po mbaron.’’, shkruan Kim në rrjetin social, Twitter.
2021 started with big cases from SPAK. Today, in our meeting with Chief Kraja and Director Hajnaj ensured me they are committed to delivering justice and ensuring no one is above the law… (1/2) pic.twitter.com/avP7KszVz6
— Ambassador Yuri Kim (@USAmbAlbania) May 28, 2021
