Mediat e huaja shkruajnë se Kobe Bryant ka qenë i fiksuar me helikopterin e tij.
Sipas “LA Times”, Bryant e kishte përdorur helikopterin e tij nëvitin 2017 për t’i bërë një rreng drejtorit të përgjithshëm të LA Lakers, Rob Pelinka. Kobe urdhëroi pilotin e tij të bënte manovra ushtarake me helikopterin, ndërkohë që menaxheri ishte në bord, duke e frikësuar atë për vdekje.
Mësohet se ai edhe e ka fikur motorin e helikopterit gjatë fluturimit për të trembur edhe më shumë.
“Po më kalonte jeta para syve. Për pak sa nuk pësova një atak në zemër. Ndërkohë, Kobe qëndronte i ulur përkrah meje, krejt i qetë dhe i përmbajtur”, tha Rob Pelinka në atë kohë.
Legjenda e basketbollit e përdorte helikopterin për të udhëtuar për në ndeshjet që Los Angeles Lakers kur ai ishte ende aktiv. Madje një herë, në vitin 2012 ai e përdori atë për të transportuar shokun e tij të ekipit, Steve Blake, në takimin që kishte me doktorin.
“Ndonjëherë ka disa gjëra që nuk mund t’i humbasësh. Si përshembull ndeshja e futbollit e vajzës time. Sepse po sikur të humbasë golin e saj të parë?”, deklaroi Kobe, që pranoi se nuk kishte drejtuar kurrë vetë helikopterin për në ndeshjet e vajzës.
