Analisti Baton Haxhiu ka hedhur një ide të guximshme, duke propozuar krijimin e një koalicioni qeverisës mes PS dhe PD. Ai sqaron se ky nuk do të jetë një koalicion mes Ramës dhe Bashës, por mes dy partive.
“Bashkimi i dy partive të mëdha, i hap rrugë një opozite të re. Për herë të parë, Shqipëria do të largohej nga partitë e vogla, e natyrshëm do të lindte një parti e re si ide e produkteve qytetare. Dhe kjo do ta demokratizonte e krijimi i partive politike nuk do të krijohej nga ndarja e partive të mëdha”, tha Haxhiu.
Më tej ai theksoi se mandati i tretë i PS-së, nuk mund të qeverisë i vetëm, dhe se për këtë kërkon që të zgjedhë edhe një kryetar të ri partie. “Mandati i tretë qeverisës në Ballkan, natyrisht është problematik. Nga sa dëgjova intervistën e Bashës, ai nuk dha ndonjë sinjal kundër”, u shpreh ai.
