Gjatë ditës së sotme, KLP-ja zhvilloi mbledhjen e radhës ku u miratua caktimi i përkohshëm i Drejtuesve të Prokurorisë Shkodër dhe Përmet.
Në mungesë të kryetarit Gent Ibrahimi, mbledhja u drejtua nga zv.kryetari Alfred Balla. Mësohet se në këtë mbledhje u miratua me 7 vota pro projekt-akti pёr caktimin e përkohshёm tё prokurorit Brahim Dragjoshi, në pozicionin e Drejtuesit të Prokurorisë, pranë Gjykatës së Apelit Shkodёr.
Gjithashtu, me 7 vota pro është miratuar edhe caktimi i përkohshëm në detyrën e Drejtuesit të Prokurorisë, pranë Shkallës së Parë Përmet, të Asllan Bajramajt. Ndërkohë që mësohet të jenë miratuar edhe raportet e vlerësimit profesional për subjektet e vettingut për prokurorin Arens Çela e Kleanthi Zeka.
