Dëshmorët e atdheut janë përkujtuar në një ceremoni historike. Pas kësaj ceremonie, Meta është pyetur nga gazetarët lidhur me vendimin që pritet të japë sot Këshilli i Lartë Gjyqësor për Ardian Dvoranin. Këtij të fundit i ka mbaruar mandati si kryetar i KED dhe anëtar i Gjykatës së Lartë.
Ndonëse nuk pranoi që të komentojë çështjen, ai dha një mesazh të koduar. “Sot është Dita e Dëshmorëve, dita e nderimit tonë për ata që kanë dhënë jetën dhe gjithçka të shenjtë për vendin tonë.
Kështu që është një ditë për të shprehur jo vetëm përulësinë ndaj veprës së tyre, por edhe për të përshëndetur të gjithë familjarët e tyre, pasardhësit e tyre, që kontribuuan gjatë asaj lufte dhe sakrifice të jashtëzakonshme.
Është edhe një ditë për t’u angazhuar që Shqipëria e lirë dhe demokratike, për të cilën ata dhanë jetën, të realizohet plotësisht”, deklaroi presidenti.
