Gazetari Mentor Kikia është shprehur se me krijimin e Gjykatës Kushtetuese mund të riformatohet edhe klasa politike në vend.
Sipas tij, vetëm kjo Gjykatë mund të shfuqizojë zgjedhjet vendore, ndërsa shton se me pas vendi mund të shkojë në zgjedhje të parakohshme, parlamentare dhe lokale.
“Çfarë mund të ndodhë? E vetmja gjë që mund të ndodhë është që zgjedhjet t’i shfuqizojë Gjykata Kushtetuese. Ka ardhur dy herë rekomandim nga DASH, që të bëhet Gjykata Kushtetuese, dhe vetëm kjo Gjykatë mund të shprehet nëse ishin apo jo të ligjshme zgjedhjet e 30 qershorit. Këtu fillon historia nga e para, dhe derisa të krijohet Gjykata Kushtetuese, është krijuar edhe SPAKU dhe BKH, dhe kanë filluar të vendosen disa fletë-rrufe, sa majtas edhe djathtas. Dhe Klasa politike mund të riformatohet, në një skenar më optimist, zgjedhjet vendore mund të shfuqizohen, dhe vendi mund të shkojë në zgjedhje të parakohshme, edhe vendore edhe të përgjithshme”, deklaroi Kikia, teksa ishte i ftuar në emisionin “Arena”.
