Sekretari i Përgjithshëm i PD, Gazment Bardhi, ka bërë një koment pas publikimit të raportit të Komisionit të Venecias për Gjykatën Kushtetuese. Ai shprehet se Venecia vulosi sot regjimin në ikje të Edi Ramës, që tentoi të kapë edhe Gjykatën Kushtetuese.
Bardhi shkruan më tej në Facebook se Edi Rama, ka vetëm një strategji me drejtësinë: ose ta kapë, ose ta bllokojë.
Statusi
Përshëndes vendimin e Komisionit të Venecias që vulosi sot se regjimi në ikje i Edi Ramës tentoi të kapë edhe Gjykatën Kushtetuese. Komisioni i Venecias konfirmoi qartë se ka zero shkelje të Kushtetutës nga Presidenti i Republikës në betejën legjitime kundër kapjes së Gjykatës Kushtetuese. Kjo është një tjetër provë sesi Edi Rama ka vetëm një strategji me drejtësinë: ose ta kapë, ose ta bllokojë. Bërja sa më parë funksionale e Gjykatës Kushtetuese është jo vetëm e rëndësishme për demokracinë në Shqipëri, por edhe 1 nga 15 kushtet për fillimin e negociatave me BE.
