Lidhur me Opinionin e ‘Venecias’, një reagim ka ardhur nga Kreu i Shtetit, Ilir Meta. Në postimin e tij të radhës në facebook, presidenti Meta shprehet shkurt dhe qartë se kauza e 2 marsit fitoi.
Sipas opinionit të Venecias, doli se Kreu i Shtetit, Ilir Meta nuk kishte kryer asnjë shkelje të Kushtetutës. Veprimet e tij për përzgjedhjen e anëtarit të dytë si, dhe të refuzimit të Arta Vorpsit ishin brenda ligjit.
Në pikën ’98’ të opinionit të Venecias shkruhet se “Presidenti vërtet e pezulloi procesin në mënyrë të njëanshme, por në mungesë të boshllëkut ligjor që ndodhi me Gjykatën Kushtetuese, mekanizmi zhbllokues nuk do ishte i zbatueshëm. Është e justifikueshme të pranohet emërimi i mëvonshëm i një kandidati të dytë nga Presidenti. Prandaj duket e arsyeshme që Presidenti refuzoi të pranonte betimin e gjyqtares që pretendon se u emërua automatikisht”.