Nuk kanë qenë të paktat rastet kur Stresi përflitej në mediat rozë për ndarjen nga Kejsi. Por duket se tashmë ka një ndarje përfundimtare, dhe këtë e ka konfirmuar vetë reperi, i cili i ka dhënë fund raportit me gruan e tij.
Këngëtari i njohur Arkimed Lushaj, Stresi, ka njoftuar ndjekësit e tij për ndarjen nga Kejsi, duke prishur kështu planin e ceremonisë së dasmës private në ishullin grek Santorini.
Gjatë një bashkëbisedimi virtual me ndjekësit, Stresi rrëfeu se është ndarë nga ish-bashkëshortja e tij, me të cilën ishte celebruar në Bashki dhe kishin në plan ceremoninë e dasmës.
Ai u shpreh se “vajzë më të mirë se ish-partnerja e tij s’do gjejë më”, por për të jeta vazhdon.
Duke marrë shkas nga ndarja, fanset duan të dinë nëse ai është në një romancë. Por ai ka zbuluar se aktualisht është vetëm.
“A je i lidhur? Me Zotin dhe nënën çmendurisht!”, ka shkruar reperi, duke lënë të nënkuptohet se është single.
Stresi vazhdon të jetë në arrati në Londër, pasi u shpall në kërkim nga policia shqiptare për pjesëmarrje në protestën e dhunshme që u organizua pas vrasjes së Klodian Rashës. Ndërkohë, ish-partnerja e tij jeton me familjen e saj në Kanada.
