Helmimi në Deçan, kryetari i Komunës: Situata drejt përmirësimit

Situata në Deçan po shkon drejt normalizimit. Këtë e ka konfirmuar kryetari i Komunës së Deçanit, Bashkim Ramosaj, i cili ka vlerësuar pas takimit të Shtabit Emergjent për Menaxhimin e Emergjencave, se situata është drejt përmirësimit. Ai shprehet me anë të një statusi në Facebook se së shpejti do të përfundoj gjendja emergjente, dhe se qytetarët e 12 fshatrave të cilat furnizohen nga rezervuari në Drenoc, do të vazhdojnë të furnizohen me ujë nga Komuna e Deçanit.

Statusi

Në takimin e mbajtur sot, më dt. 17.07.2021, të Shtabit Emergjent për Menaxhimin e Emergjencave, vlerësohet se situata e krijuar ditëve të fundit në komunën tonë po shkon drejtë normalizimit.

Akterët e kyqur në menaxhimin e kësaj emergjence do të vazhdojnë në implementimin e të gjitha rekomandimeve të dhëna nga IKSHPK-ja, të cilat kanë të bëjnë me standardizimin e infrastrukturës së ujësjellsit dhe furnizimin me ujë cilësor sipas parametrave të pranueshme.

Në këtë takim u nxjerr një konkluzion i përbashkët që në bazë të raportit të QKMF-së në 24 orëshin e fundit, së shpejti do të përfundoj gjendja emergjente dhe së qytetarët e 12 fshatrave të cilat furnizohen nga rezervuari në Drenoc do të vazhdojnë të furnizohen me ujë nga Komuna e Deçanit.

Sakaq, një person është arrestuar sot në Deçan, pasi ka fikur kamerat e sigurisë në grykën e Deçanit. Nga 17 maji, kamerat e sigurisë kanë qenë jo aktive, ndërkohë që personi i arrestuar është dërguar në paraburgim.

Njoftimi i policisë:

Deçan 17.05.2021 – 08:27. Policia ka pranuar informacion se kamerat e sigurisë në grykën e Deçanit, nuk janë duke punuar që nga data 17.05.2021. Njësia policore ka arrit të identifikojë dhe të arrestoj të dyshuari mashkull kosovar, nën dyshimin e bazuar se ka bërë shkyçjen e kamerave. Me vendim të prokurorit, i dyshuari është dërguar në mbajtje.

Tags: Bashkim Ramosaj deçan