Epidemia e koronavirusit ka mbërthyer botën. Teksa Italia është gjunjëzuar para virusit vdekjeprurës, një tjetër panoramë paraqitet në Kinë.
Pekini zyrtar ka njoftuar sot se do të hap shkollat më 25 mars, teksa ka regjistruar vetëm 8 raste të reja me infeksion dhe 7 vdekje, për një total prej 3176 viktimash.
Komisioni Kombëtar i Shëndetit në Kinë, gjithashtu raportoi se numri i të shëruarve është i barabartë me gati 80% të totalit të të sëmurëve.
Në Korenë e Jugut, për herë të parë që nga fillimi i epidemisë ka pasur më shumë shërime sesa infeksione.
Po kështu, Italia po ndihmohet shumë nga qeveria kineze. Përveç ndihmave të shumta materiale, veçanërisht pajisjeve për mushkëritë, Kina ka dërguar një ekip ekspertësh mjekësorë për shpëtimin e pacientëve në Itali, i cili ka luftuar shumë kundër koronavirusit në Wuhan muajve të fundit.
Ekipi tashmë ka mbërritur në Romë, së bashku me pajisjet e shumta të premtuara nga qeveria kineze.
