Kina ka kundërshtuar fuqimisht planet nga Organizata Botërore e Shëndetësisë (OBSH) për të inspektuar nga afër laboratorin në metropolin qendror kinez të Wuhanit në kërkim të origjinës së koronavirusit. Zeng Yixin, zëvendës ministër i Komisionit Kombëtar të Shëndetit të Kinës, tha se vendi nuk mund të pranojë një plan të tillë dhe u befasua kur pa projektin e OBSH-së. Fokusimi tek ideja e një shpërthimi të mundshëm laboratorik ka qenë mosrespektim i arsyes së shëndoshë dhe shkon kundër shkencës, tha Yixin.
Mbi hulumtimin e origjinës së koronavirusit, OBSH njoftoi një grup të ri pune, në një letër drejtuar vendeve anëtare javën e kaluar. Shefi i OBSH-së Tedros Adhanom Ghebreyesus theksoi se përveç ekzaminimit të kafshëve të egra dhe tregjeve të kafshëve në qytetin kinez të Wuhanit, ku virusi u shfaq për herë të parë në fund të vitit 2019, laboratorët gjithashtu duhet të inspektohen. Kina vonoi udhëtimin e ekipit të parë kërkimor të OBSH-së për muaj me radhë. Megjithëse OBSH dëshiron të vazhdojë hetimet, Pekini nuk po ndërmerr hapa për të lejuar punën në Kinë.
Shtetet e Bashkuara akuzojnë Kinën për parandalimin e analizave transparente dhe Pekini dyshon se Shtetet e Bashkuara duan të fajësojnë Kinën për përhapjen e virusit. Ish Presidenti i SHBA Donald Trump e kishte quajtur vazhdimisht covid-19-ën “virusi kinez”. Në të njëjtën kohë, në Kinë po përhapen teoritë se virusi gjithashtu mund të ketë dalë nga një laborator ushtarak amerikan./dpa/Tirana Today
