E mërkurë, 28 Korrik, 2021
27.5 C
Tirana

Kina: Ja kur mund të jetë gati vaksina kundër koronavirusit

Vaksina kundër COVID-19 mund të jetë gati për “përdorim urgjent” në prill.

Shkencëtarët kinezë thonë se vaksinat e para kundër koronavirusit mund të jenë gati për “përdorim urgjent” muajin tjetër.

Një zyrtar i lartë kinez i shëndetësisë tha të premten se vendi po lëviz me shpejtësi përpara për prodhimin e vaksinave kundër virusit vdekjeprurës që ka infektuar më shumë se 100 mijë vetë në botë e shkaktuar mbi 3 mijë të vdekur.

“Sipas vlerësimeve tona, shpresojnë se në muajin prill, disa nga vaksinat do të hyjnë në hulumtime klinike ose do të përdoren në situata emergjente”, tha Zheng Zhongwei, drejtor i Qendrës për Shkencë e Teknologji në Komisionit Kombëtar të Shëndetit.

Zheng tha se në këtë proces janë përfshirë me dhjetëra institucione kineze që kryejnë kërkime me qëllim zhvillimin e vaksinave kundër virusit dhe shtoi se zhvillimi i llojeve të ndryshme të vaksinave po ecën përpara.

Zhvillimi i vaksinave që janë të sigurta dhe efektive kërkon kohë, investime dhe rezultate të mira shkencore. Për një sëmundje si ajo që shkakton COVID-19, procesi është edhe me më shumë sfida.

Vetëm testimi mbi sigurinë dhe efikasitetin e saj do të kërkonte nga 12 në 18 muaj kohë ose më shumë, thonë zyrtarët.

Sipas ligjit kinez, vaksinat e prodhuara për raste urgjente që lidhen me shëndetit publik mund të përdoren në kushte të përcaktuara dhe nëse Administrata Kombëtare e Produkteve Mjekësore vlerëson se përfitimet e trajtimit me këtë vaksinë i tejkalojnë rrisqet.

Zheng nuk sqaroi se cilat janë kushtet kur mund të përdoret kjo vaksinë tek njerëzit. Kina njoftoi në fund të muajit shkurt se mund të fillojë provat klinike në prill.

Lexo edhe :   Covid/ Mbi 3,600 testime në 24 orët e fundit, numri i rasteve aktive në rritje

Në SHBA me një ritëm rekord, kompania e bioteknologjisë “Moderna” me bazë në shtetin e Masaçusetsit ia ka dërguar vaksinën e saj kundër koronavirusit muajin e kaluar, Institutit Kombëtar për Alergjitë dhe Sëmundjet Infektive, për të filluar testimin e vaksinës tek njerëzit.

Lexo edhe :   Vaksinimi, mbërrijnë në Rinas 67,860 doza të vaksinës Pfizer

Shkencëtarët thonë se bota ka ende një rrugë të gjatë në garën për të gjetur një vaksinë kundër COVID-19.

Dr. Anthony Fauci, drejtor i Institutit Kombëtar për Alergjitë dhe Sëmundjet Infektive tha gjatë një konferencë së fundmi në Shtëpinë e Bardhë se i gjithë procesi i miratimit të një vaksine efektive, do të zgjaste të paktën një vit, shkruan “Voa”.

- Reklama -

Më shumë nga kategoria




Të fundit

Çelsi ofron 175 milion euro, Dortmund merr vendimin për Halandin

Erling Haaland është në qendër të merkatos. Për lojtarin norvegjez interesohen Chelsea dhe Juventus, ndërsa Real Madrid duket se është tërhequr nga gara. Kampionët e...

Raporti OSBE/ODIHR si shoshë për humbjen e opozitës

Nga Alfred Peza Raporti përfundimtar i misionit të vëzhguesve ndërkombëtare të OSBE/ ODIHR për zgjedhjet e 25 prillit në Shqipëri, po përdoret si flakë kashte...

Rama me Zaevin e Vuçiçin në Shkup/ Kurti refuzon ftesën: Nuk ka miratimin tonë

Zyra e qeverisë së Kosovës, ka konfirmuar se Kryeministri Albin Kurti nuk do të jetë nesër i pranishëm në Samitin e Shkupit, ku do...

Gjetja e personave të zhdukur në komunizëm/ VOA: E vështirë pas 30 vitesh

Nga Pëllumb Sulo (VOA) Familjarë të viktimave dhe të zhdukurve në komunizëm për shkak të bindjeve politike u takuan të mërkuren në Shkodër me përfaqësuesin...

Detaje/ Rama, Zaev dhe Vuçiç do të nënshkruajnë marrëveshje ndërshtetërore

Kryeminsitri Edi Rama, ndodhet për një vizitë zyrtare në Maqedoninë e Veriut, me ftesë të homologut të tij, Zoran Zaev. Në Shkup, dy krerëve...