Rreth 9 miliardë dollarë do të shpërndahen nga Ministria e Financave kineze për masa parandaluese për përhapjen e koronavirusit. Lajmi është bërë i ditur nga kanale zyrtare, pasi është konfirmuar lajmi se deri tani kanë humbur jetën 81 persona nga virusi.
Në daljen publike, presidenti kinez, Xi Jinping tregoi sfidat me të cilat po përballet qeveria. Sipas tij, virusi është forcuar dhe po përhapet me një shkallë më të lartë ndërmjet njerëzve.
Deri tani raportohet se pjesa më e madhe e viktimave i përkasin qytetit të origjinës Wuhan dhe krahinës Hubei, ku janë rreth 30 % e të infektuarve.
Zyrtarët kinezë thanë gjithashtu se virusi mund të përhapet edhe gjatë periudhës së inkubacionit, kur ende nuk janë shfaqur simptomat te personi i infektuar.
