Ministri i Punëve të Brendshme i Serbisë, Nebojsha Stefanoviç është takuar me përfaqësues të Republikës Popullore të Kinës gjatë vizitës së tij në Rusi.
Stefanoviç dhe Sekretari i Komisionit për Çështjet Politike të Partisë Komuniste të Kinës, Guo Shengkun vlerësuan se ky takim është pozitiv veçanërisht në fushën e krimit të organizuar dhe terrorizmit.
Ndërkohë, fokusi i diskutimeve të tyre ka qenë dhe çështja e Kosovës, për të cilën Stefanoviç shprehet se Kina ka konfirmuar mbështetjen për Serbinë dhe mos-njohjen e pavarësisë së Kosovës.
Po ashtu, sipas Stefanoviç, Kina do të kundërshtojë fuqishëm pranimin e Kosovës në INTERPOL. Ndërsa edhe Algjeria ka bërë të qartë në Serbi se do të jetë kundër njohjes së Kosovës dhe pranimit të saj në INTERPOL.
