Kim takon Bashën: U informova për programin e PD, takim i shkëlqyer

Ambasadorja e SHBA-ve në vendin tonë, Yuri Kim ka takuar ditën e sotme kryetarin e Partisë Demokratike, Lulzim Basha, në selinë blu.

Teksa e ka konsideruar këtë takim si të shkëlqyer, Kim tha se është informuar për programin zgjedhor të PD-së dhe aleatëve.

Ndër të tjera, Kim ka pasur një diskutim për kandidatët dhe marrëdhëniet mes dy vendeve.

“Sot pata një takim të shkëlqyer me Lulzim Bashën. E lumtur të dëgjoja programin zgjedhor të PD dhe partnerëve. Unë nënvizova pritjet e SHBA për kandidatë të pastër nga të gjitha partitë. Ne gjithmonë do të jemi të përkushtuar në marrëdhënie të forta mes SHBA-ve dhe Shqipërisë, me respekt për vendimin e votuesve më 25 Prill”, shkruan ambasadorja amerikane në rrjetin social, Twitter.

Ky takim vjen një ditë pas marrëveshjes që Basha firmosi me 13 aleatë të tjerë me të cilët do të garojë në zgjedhjet parlamentare të 25 prillit.