Ambasadorja e SHBA-ve në vendin tonë, Yuri Kim ka komentuar për herë të parë procesin e zgjedhjeve parlamentare të 25 prillit.
Kim falenderoi kryeministrin Edi Rama dhe kryedemokratin Lulzim Basha për fushatën e bërë, ndërsa shtoi se populli foli qartë, duke i dhënë fitoren Partisë Socialiste.
Sa i përket shkeljeve të pretenduara gjatë procesit zgjedhor por edhe numërimi, ambasadorja Kim kërkoi që palët të presin publikimin e raportit final të OSBE, duke shtuar se duhet të përdoret për të përmirësuar votimet e radhës.
“Ne e përgëzojmë kryeministrin Edi Rama dhe PS në fitoren e tyre elektorale. Ne gjithashtu përgëzojmë Kryetarin e PD-së, Lulzim Basha për udhëheqjen e një fushate të fortë që u dha zë shumëkujt & frymëzoi shpresë. Më e rëndësishmja, ne përgëzojmë popullin shqiptar, i cili foli qartë. Duke njohur rezultatet e këtyre zgjedhjeve dhe duke bashkëpunuar me njëri-tjetrin, udhëheqësit do të veprojnë me përgjegjësi për të mirën e popullit shqiptar.
Ne shpresojmë të punojmë me Shqipërinë për të forcuar më tej bashkëpunimin mbi demokracinë, mbrojtjen dhe biznesin. Prisni raportin final të OSBE, i cili duhet të përdoret për të përmirësuar më tej zgjedhjet e Shqipërisë. Ne përsërisim që instancat ligjore duhet të ndjekin penalisht cilindo që shkeli ligjin dhe pengoi të drejtën e qytetarëve për të votuar lirshëm dhe në paqe.”, shkruan Kim në rrjetin social, Twitter.
(1/3) We congratulate PM @ediramaal & the Socialist Party on their electoral victory. We also congratulate DP Chair @lulzimbasha_al for leading a strong campaign that gave voice to many & inspired hope. Most importantly, we congratulate the Albanian people, who spoke clearly. https://t.co/nDJWjiQnZb
— Ambassador Yuri Kim (@USAmbAlbania) April 28, 2021
