Deputeti Lefter Maliqi ka dënuar shembjen e Teatrit Kombëtar dhe vijimin e masave kundër koronavirusit. Gjatë fjalës së tij në Kuvend, ai hodhi akuza mbi qeverinë se shfrytëzoi gjendjen e emergjencës “fantazmë” siç e cilëson ai, për të shembur Teatrin.
Ai tha se qeverisë i janë errësuar sytë nga babkuveëzia për pushtet, dhe se kësaj gjëndje duhet ti jepet fund. Sipas tij, qytetarët janë parë në grupe, ndaj duhet të hiqen kufizimet ndaj situatës së pandemisë.
“Këtyre u janë errësuar sytë nga babëzia për pushtet dhe dhuna ndaj qytetarëve. Meqë kjo qeveri ka zgjatur fatkeqësinë fantazmë dhe e shfrytëzuan në mënyrë të pabesë për të shembur Teatrin, për të arrestuar artistët, shoqërinë civile, z. kryetar, boll u bëmë qesharak me mbledhje online.
Ta heqim këtë fatkeqësi fantazmë. Me aktet e kufizimeve, i keni parë qytetarët turma turma, policët trup më trup. Hiqni dorë. Ju shembët Teatrin, por përbuzja do jetë e madhe, këtij teatri të pështirë i ka ardhur koha që të shembet dhe të ndërtohet një i ri me votën e qytetarëve”, tha Maliqi.
