Ish-kryeministri Sali Berisha ka qenë i ftuar mbrëmjen e djeshme në emisionin ‘Opinion’ në Tv Klan, ku foli për krizën politike në vend.
Në një video të publikuar nga Tv Klan shihet momenti i mbërritjes së ish-kryeministrit në ambientet e televizionit, ku e kanë pritur kryeredaktorja e ‘Opinion’, Desada Metaj, si dhe pronari i Tv Klan, Aleksandër Frangaj.
Pas përshëndetjes, Frangaj nuk ka hezituar të shkëmbejë batuta me Berishën.
“Këtë vajzën e kemi demokrate”, i thotë ai Berishës, ndërsa e ka fjalën për punonjësen e recepsionit.
“Por demokrate e veshur me rozë, nuk shkon”, shton Frangaj duke qeshur. Berisha ia kthen sërish me batutë: “Shkon, shkon se është stina tani, muaji rozë”.
