Kryeministri ka ripërsëritur edhe një herë kërkesën ndaj qytetarëve që të ruajnë durimin, pasi së bashku do t’ia dalim ndaj këtij armiku të padukshëm.
Kreu i Qeverisë, Edi Rama shprehet se detyra jonë është që të fitojmë, dhe se kjo luftë varet vetëm nga ne.
Izolimi ka dhënë rezultatet e pritshme, duke u ulur numri i të infektuarve. Sot janë regjistruar sërish ulje të rasteve të reja me Covid-19 në vendin tonë. Ndryshe nga e mërkura, të enjten janë regjistruar vetëm 9 raste me koronavirus.
Statusi
TË GJITHA KANË RËNDËSINË E TYRE, PO MBI TË GJITHA SOT ËSHTË MBROJTJA E JETËS SË ÇDO SHQIPTARI DHE ECJA ÇDO DITË TË BASHKUAR, POPULL DHE SHTET, DREJT FITORES SË KËSAJ LUFTE QË NUK E ZGJODHËM, POR KEMI DETYRËN TA FITOJMË!
*nëse sot jemi në këtë pikë, e jo mbi ndonjë mal me të vdekur, kjo është falë nesh e mënyrës se si e kemi bërë luftën deri këtu, shtet e popull bashkë si një trup i vetëm dhe vetëm prej nesh varet tanimë ta çojmë deri në fund kështu këtë luftë.
