Deputeti demokrat Edi Paloka ka reaguar pas deklaratave të bëra nga kreu i Kuvendit, Gramoz Ruçi, të bëra gjatë një deklarate ditën e sotme me homologun e tij në Maqedoni, Telat Xhaferrin.
Ruçi u shpreh se gjatë karrierës së tij 27-vjeçare nuk kishte parë asnjëherë dhunën që ndodhi në seancën parlamentare të së hënës, gjë që ka sjellë përgjigjen e Palokës.
Ky i fundit, në një reagim në Facebook, shkruan se të tilla gjëra dhe më keq se kaq ndodhin “sa herë drejton PS”.
REAGIMI I PALOKËS:
Gramoz Ruci paska deklaruar se dhuna e ushtruar te henen ne Parlament, nuk ka precedente ne 27 vjet.
Ne keto 27 vjet ka ndodhur qe deputete te opozites jane vrare dhe sulmuar fizikisht brenda parlamentit.
Por si asnjehere ne keto 27 vjet, kriminelet, vrases, trafikante droge dhe prostitutash, u ngriten ne piedestal si anetare te Parlamentit.
Si asnjehere ne keto 27 vjet, Garda e Republikes u perdor per te bllokuar foltoren e Parlamentit duke i hequr dhunshem opozites te drejten e fjales.
Te gjitha keto kane dhe me shume se kaq kane ndodhur sa here vendi dhe Parlamenti eshte drejtuar nga partia e Gramoz Rucit.
