Kryeministri Rama ka përcjellë një video me mjaft rëndësi, ku paralajmëron qytetarët anembanë vendit se kemi hyrë në zonën e zjarrit. Ai thekson se risku nga COVID-19 është i madh, ndaj dhe qytetarët duhet të ruajnë distancën sociale dhe të zbatojnë me rigorozitet këshillat e dhëna nga bluzat e bardha.
Në mesazhin prekës, kryeministri nënvizon ndër të tjera se ekonomia bie dhe ringrihet, e ndërsa të vdekurit nuk ringjallen më.
Për të kuptuar se sa e shtrenjtë është jeta dhe se sa të pafuqishme janë bluzat e bardha përpara këtij virusi vdekjeprurës, mjafton të shikoni videon e shpërndarë prej tij.
Bashkëngjitur këtyre pamjeve të rënda, kreu i qeverisë, Edi Rama, shprehet se është i detyruar që të pasqyrojë këtë video, për të kuptuar se si do kishte përfunduar popullata nëse nuk do të ishte izoluar në kohë.
Statusi
*kujdes, mbani fëmijët larg nga videoja bashkëngjitur
? SOT KEMI 27 POZITIVË! KEMI HYRË NË ZONËN E ZJARRIT, KU ARMIKU PO SYNON TË NA MARRË MË SHUMË JETË, PASI REZISTENCA JONË DERI TANI E KA NDALUAR TË BËJË KËRDINË DUKE NA SHKATËRRUAR BARRIKADËN BLUZAVE TË BARDHA!
? SOT JU BËJ NJË THIRRJE TË FORTË TË MOTIVOJMË TË GJITHA FORCAT SHPIRTËRORE DHE MENDORE BRENDA NESH, PËR TË USHQYER REZISTENCËN, DUKE MOS HARXHUAR ENERGJI PËR ASGJË TJETËR!
? SOT JU LUTEM ME TË GJITHË FORCËN TA VENDOSNI SI KRYEFJALË TË ÇDO DITE NË VIJIM MOTON JETIKE TË LUFTËS SONË: EKONOMIA BIE DHE NGRIHET PRAPË, TË VDEKURIT NUK RINGJALLEN MË!
? SOT ASGJË NUK VLEN MË SHUMË SE JETA DHE MBROJTJA E JETËS ËSHTË QËLLIMI, NE JEMI MJETI PËR REALIZIMIN E KËTIJ QËLLIMI NJERËZOR, QYTETAR, KOMBËTAR!
? SOT JAM I DETYRUAR T’JU JAP KËTË VIDEO RRËQETHËSE QË TA SHIKONI SI DO KISHIM PËRFUNDUAR, PO TË MOS ISHIM FUTUR MË SHPEJT SE TË TJERËT NË MBROJTJE, POR EDHE SI, MOS E DHËNTË ZOTI, MUND TË PËRFUNDOJMË NËSE PËR MUSTAQET E ÇELOS HAPIM VRIMA NË BARRIKADAT TONA!
