Këshilli Politik për Reformën Zgjedhore mbrëmjen e kaluar nuk mundi që të arrinte një marrëveshje.
Ndërkohë sot, nënkryetari i LSI-së, Petrit Vasili në një intervistë për “Abc News” theksoi se një person nga tryeza e Këshillit Politik nxori pengesa.
“Ishte Gjiknuri që vuri kushte dhe pengesa të reja”, u shpreh Vasili.
Ky i fundit ndër të tjera bëri me dije se nuk kishte asnjë kusht të ri nga opozita: “Nuk kishte asnjë kusht të ri nga opozita. Ka thjesht propozime që janë bërë publike në tavolinë prej ditësh. Nuk janë bërë as mbrëmë dhe as parmbrëmë. Mazhoranca ka vullnetin për të fituar privilegje që çojnë në grabitjen e votës, kurse opozita kërkon garanci për procesin”.
