31 shtetas shqiptarë, që iu ishte refuzuar kërkesa për qëndrim në Francë dhe Belgjikë janë riatdhesuar. Ndër ta 27 shtetas nga Franca dhe 4 nga Belgjika.
Operacioni u zhvillua në bashkëpunim me Policinë Kufitare, Policinë franceze dhe belge.
Ministria e Brendshme dhe Policia e Shtetit u bëjnë thirrje të gjithë qytetarëve shqiptarë që të respektojnë rregullat e lëvizjes dhe të qëndrimit në hapësirën Schengen. Ndërsa shtojnë se shanset për të fituar azil në vendet e BE-së janë zero.
Ndërkohë, Policia Kufitare ka forcuar masat në kontrollin e dokumentacionit në dalje në të gjitha pikat e kalimit si dhe ka shtuar patrullimet në kufirin e gjelbër.
