Nga ana e policisë janë zbuluar dy qendra estetike, të kthyera në baza prostitucioni në Tiranë, të cilat ishin në pronësi të dy vëllezërve Roshi. Dy vëllezërit, Mario dhe Andi, përkatësisht 26 dhe 29 vjeç janë arrestuar nga policia e Tiranës, teksa është zbardhur edhe skema se si funksiononin këto qendra masazhi.
Dy vëllezërit rekrutonin vajza nëpërmjet rrjeteve sociale, me pretendimin për t’i punësuar si masazhatore, për të kryer masazhe relaksuese për klientët e këtyre qendrave.
Pasi i rekrutonin dhe i punësonin këto femra, ata i detyronin këto punonjëse (duke përfshirë edhe punonjëse të mitura) që përveç masazhit, tu ofronin klientëve edhe shërbime seksuale brenda këtyre qendrave të masazhit.
Klientët bënin pagesën për shërbimin e masazhit dhe shërbimet seksuale që ata përfitonin dhe këto përfitime, ndaheshin ndërmjet administratorëve të këtyre qendrave dhe punonjëseve që kryenin këto shërbime.
