“Arrest me burg” është masa e sigurisë vendosur nga Gjykata e Krimeve të Rënda për pedagogun e Elbasanit, Denis Himçin, i cili kërkonte favore seksuale në këmbim të notës.
Pedagogu Himçi u kap në një video të fshehtë, ndërsa i kërkonte puthje dhe favore seksuale një studenteje që kishte mbetur në shumë provime.
Pas këtyre pamjeve të cilat u bënë publike, menjëherë policia e Elbasanit u vu në veprim, duke arrestuar personin në fjalë.
Nga ana tjetër, Universiteti vendosi pezullimin e tij nga detyra.
