Pak ditë më parë, Presidenti Ilir Meta kërkoi zyrtarisht informacion lidhur me numrin aktual të deputetëve në Kuvendin e Shqipërisë.
Meta i çoi një kërkesë KQZ-së për numrin deputetëve në Kuvendi, duke ditur shumë mirë se numri 140 nuk është plotësuar për shkak të shterimit të listave të kandidatëve pas djegies në bllok të mandateve nga deputetët e PD-së dhe LSI-së.
Komisioni Qendror i Zgjedhjeve i ka kthyer sot një përgjigje presidentit Meta duke i thënë se në Kuvendin e Shqipërisë ka 122 deputetë në total.
Në letrën e dërguar për Presidencën, KQZ sqaron edhe numrin e deputetëve sipas qarqeve.
Aktualisht, Parlamentit i mungojnë 18 deputetë pas shterimit të listave të opozitës për plotësimin e vendeve vakante. Neni 64 i Kushtetutës sanksionon në pikën 1 të tij se “Kuvendi përbëhet nga 140 deputetë, të zgjedhur me sistem proporcional me zona zgjedhore shumëemërore”
