Pas celebrimit në tarracën e Bashkisë së Tiranës, dalin pamjet nga dasma e aktorit të njohur të humorit, Gaz Paja dhe partneres së tij, Ira Seferi.
Në video-t e publikuara nga moderatorja Amarda Toska në rrjetet sociale, çifti shfaqet duke hyrë në sallë, teksa realizuan kërcimin e tyre të parë si burrë dhe grua nën tingujt e këngës “Unë dhe ti” të Alban Skënderajt.
Ira dukej bukur me fustanin plot gurë dhe me supe të rëna. Në mbrëmje ajo vendosi të bëjë një kapje të lehtë flokëve dhe duket një nuse vërtet simpatike. Ndërsa Gazi duket i qeshur, teksa shoqëron bashkëshorten e tij në mes të pistës.
