Një sherr në orët e para të mëngjesit të sotëm në Pogradec, ka përfunduar me një të plagosur me armë zjarri.
Në një lokal në fshatin Bishnicë, pas një konflikti të çastit, shtetasi A. Ç., rreth 35 vjeç, dyshohet se ka plagosur me armë zjarri tip automatik shtetasin B. Sh.
Ky i fundit aktualisht ndodhet në spitalin e Pogradecit, jashtë rrezikut për jetën. Policia njofton se autori i dyshuar është larguar nga vendngjarja, ndërsa arma e zjarrit është gjetur dhe sekuestruar në cilësinë e provës materiale.
Njoftimi
Pogradec
Plagosi me armë zjarri 1 shtetas gjatë një konflikti të çastit, Policia identifikon dhe shpall në kërkim autorin e dyshuar të ngjarjes.
Më datë 21.08.2020, rreth orës 02:00, në një lokal në fshatin Bishnicë, pas një konflikti të çastit shtetasi A. Ç., rreth 35 vjeç, dyshohet se ka plagosur me armë zjarri tip automatik shtetasin B. Sh., i cili aktualisht ndodhet në Spitalin e Pogradecit, jashtë rrezikut për jetën.
Autori i dyshuar është larguar me shpejtësi nga vendngjarja, ndërkohë arma e zjarrit është gjetur dhe sekuestruar në cilësinë e provës materiale.
Nga ana e Policisë, po punohet intensivisht për kapjen e shtetasit A. Ç., si edhe sqarimin e plotë të rrethanave të ngjarjes.
https://www.facebook.com/policiashtetitshqiptar/photos/a.1503908149895551/2836848683268151/
