Policia e shtetit njofton se ka vënë në pranga një qytetar nga Lezha, i cili ushtronte dhunë ndaj bashkëshortes dhe për më tepër e kishte kërcënuar se do të vriste. Ndërhyrja e policisë ka qenë përcaktuese për shmangien e një krimi në familje.
Sipas bluve është arrestuar personi i identifikuar me inicialet B.L. 54 vjeç, nga Dragusha e Lezhës. Në flagrancë atij iu kap edhe një armë zjarri.
Njoftimi i Policisë:
Sekuestrohet një armë zjarri dhe municion luftarak.
Specialistët e Seksionit për Hetimin e Krimit në Komisariatin e Policisë Lezhë arrestuan në flagrancë shtetasin B. L.,54 vjeç, banues në Dragushë, Lezhë
Ky shtetas në banesë, në mënyrë sistematike ushtronte dhunë fizike dhe psikologjike ndaj bashkëshortes së tij duke e kërcënuar se do ta vriste me armë zjarri, e cila mbrëmjen e djeshme ka njoftuar Policinë.
Shërbimet e Policisë kanë shkuar menjëherë në banesën e shtetasit B.L., ku gjatë kontrollit gjetën dhe sekuestruan një armë zjarri tip “Pushkë” dhe 19 copë fishekë
Materialet i kaluan Prokurorisë së Rrethit Gjyqësor Lezhë në ngarkim të shtetasit të lartpërmendur për veprat penale “Dhunë në familje” dhe “Armëmbajtje pa leje”, ku me ndryshimet e fundit në Kodin Penal, mbajtja e armëve në automjete,në banesë apo në mjedise publike, pa lejen e organeve kompetente shtetërore, dënohet me burgim deri në 7 vjet.
