Ish-ministri i Drejtësisë, Ylli Manjani ka folur në lidhje me kërcënimin që iu bë gjatë ditës së sotme kreut të KQZ-së, Klement Zgurit.
Sipas Manjanit, shkaku i këtij kërcënimi është hetimi administrativ që Zguri kishte kërkuar, për të zbuluar përse kishin rezultuar më shumë vota. Më tej, ai shton se është mirë që Klement Zgurin e mori në mbrojtje policia, por shtron pyetjen se hetimin që ai nisi kush do ta procedojë.
Postimi i Manjanit:
“Klement Zguri raportohet të jetë kërcënuar me jetë, sepse kërkoi hetim administrativ që të zbulohet përse kishte më shumë vota e votues. Raportohet gjithashtu se Policia dhe Garda e Republikës mësynë në KQZ me forca të shumta.Dakort, shumë mirë që mbrojnë Klementin, po atë hetimin që kërkoi Ai e bëjnë dot Policia&Garda?!”.
