Pak më herët gjatë ditës së sotme, presidenti Ilir Meta tha se zëdhënësi i tij, Tedi Blushi, është shantazhuar në emër të një ambasade të huaj.
Për këtë kërcënim që ka njoftuar Meta, ka reaguar edhe gazetarja Klodiana Lala. Ajo ka nxjerrë blof Kreun e Shtetit, kur tha në ‘Opinion” se nuk ka një informacion që Blushi të jetë kërcënuar. Gazetarja shtoi më tej se ende nuk ka një denoncim zyrtar.
“Nuk di të jetë kërcënuar, do duhet të kishte një denoncim zyrtar. Nuk ka një denoncim zyrtar ende, dhe nuk referohem tek fjalët edhe pse i thotë Presidenti i Republikës. Me sa më thonë, lidhet me një status tjetër që flet për një tjetër ambasador, që kontrollohet nga Engjëll Agaçi. E ka fjalën për Ambasadën Italiane”, tha Lala.
