Meta është pyetur nga gazetarët, lidhur me deklaratat e fundit të presidentit serb Vuçiç.
Vuçiç kërcënoi për një konflikt të ngrirë me Kosovën, ka reaguar vetëm Majko, mendoni se qeveria dhe ju duhet të mbani një qëndrim zyrtar?
Meta: Është dhënë vendimi, disa u ka mbetur koha disa vite më parë. Të gjithë duhet të mësojnë të bashkëjetojnë me Kosovën, si shtet të pavarur. Edhe në Shqipëri, për ata që nuk e kanë të qartë.
Presidenti i Serbisë, Aleksandër Vuçiç, nëpërmjet një konference për media ka kërcënuar Kosovën me luftë, duke e krahasuar situatën me atë të Azerbajxhanit dhe Armenisë.
Këto deklarime të presidentit serb, kanë ngjallur reagime të ashpra.
Vuçiç në konferencën për media, tha se Serbia duhet të forcohet ekonomikisht dhe ushtarakisht, pasi sipas tij: “Një lloj konflikti mund të ndodhë”.
“Ishte e rëndësishme për mua t’ju them se konflikti në Karabak tregoi se si një konflikt i ngrirë mund të përshkallëzohet në një katastrof të vërtetë. Duhet marrë mësim nga viti 1990, si dhe nga ajo që po ndodhë sot.
Nuk duhet t’i lëmë fëmijët tanë në një konflikt të ngrirë. Kompromisi do të thotë që ne duhet ta arrijmë atë, por që duhet të dy anët ta bëjnë këtë.
Ne kemi një mesazh për paqe dhe dëshirë për të vazhduar dialogun. Kjo është arsyeja se pse Serbia duhet të vazhdojë të forcohet ekonomikisht dhe ushtarakisht. Një lloj konflikti mund të na ndodhë, ne duhet të kujdesemi për të ardhmen e fëmijëve tanë dhe të ardhmen e Kosovës”, tha Vuçiç.
