Dielli është ende i nxehtë, duke na lejuar ta shijojmë plazhin edhe për disa ditë. Ndonëse jemi në muajin shtator, vendi ynë edhe për këtë fundjavë do të vijojë të ndikohet nga kushtet e qëndrueshme atmosferike.
Si për sot dhe nesër, moti do të jetë i kthjellët në të gjithë territorin, përjashtuar vranësirat kalimtare nga orët e mesditës deri ato të pasdites në relievet kodrinore malore.
Era do të fryjë me drejtim kryesor nga kuadrati i veriut dhe shpejtësi 1-10m/s (më tepër e ndjeshme përgjatë vijës bregdetare dhe zonat luginore), ndërsa temperatuart do të vijojnë të mbeten në vlerat e ditëve të fundit.
Vlerat e mëngjesit parashikohen nga 15°C në relievet malore deri në 22°C në ato të ulta, ndërsa në vlerat e mesditës nga 30°C në relievet malore deri në 38°C në ato të ulta.
