Këngëtari Altin Sulku ka rrëfyer arsyen e shkëputjes së tij nga muzika në vitin 2007. pasi
I ftuar në emisionin “Why Not”, Sulku tregoi se partnerja e tij kishte probleme shëndetësore, kësisoj këngëtari shprehet se në atë periudhë nuk gjendej shpirtërisht tek muzika, teksa thekson se shkëputja nuk i bëri mirë karrierës muzikore.
“Nga 2007 u shkëputa për një periudhë 6-7 vite që nuk më bëri mirë për karrierën. Pata një pauzë për arsye familjare, gjë që nuk duhet ta bëja, por e bëra.
Pati disa probleme të vetat shëndetësore dhe ne kur këndojmë, këndojmë me pasion. Unë asaj kohe, nuk isha shpirtërisht tek muzika, por tek ai njeri që kishte problemet e veta”, rrëfeu këngëtari.
Mirëpo, ishte kushëriri i tij, reperi Noizy ai që e riktheu Altinin në muzikë, ndërsa këngëtari shprehet për të se ka qenë shtysa e tij më e madhe.
“Unë e kam thënë dhe e them vazhdimisht që Noizyn, e kam djalë daje, ka qenë një shtysë e madhe. Kur do bënim klipin e parë ishim rrugës për Kosovë, do ta xhironim atje. Rrugës i them, dëgjo, unë kot po merrem, më mirë të iki diku jashtë, se tani ka ndryshuar stili.
Cfarë thua më tha? Ti e ke zërin shumë të mirë. Ti do këndosh zhanerin tënd, jo hip hop. Mbështetjen time do e kesh gjithmonë dhe shiko cfarë do bësh pas nja 2-3 vitesh. Duhen 2-3 vite punë”, deklaroi Sulku.
