Jo vetëm qytetarët shqiptarë, por edhe të huajt janë sensibilizuar në masë me dhimbjen e madhe që na kapluar pas tërmetit 6.4 ballë i cili ka shkaktuar 40 viktima.
Shumë personazhe nga bota e show-bizzit kanë dhënë kontributin e tyre, si në të ardhura, por edhe në ndihma. Një ndër ta është edhe këngëtari i njohur italian Enzo Ghinazzi, i njohur me emrin e artit si Pupo.
Ai ka vendosur të bëjë një koncert bamirësie, dhe fitimet e këtij koncerti do shkojnë tek familjet e prekura nga tërmeti.
Pupo shprehet se ndodhet pranë popullit shqiptar në këtë momente të vështira. Ai shkruan në Instagram: “Kam punuar në Shqipëri dhe kam njohur forcën, besnikërinë, bujarinë e popullit shqiptar. T’i bëjmë ta ndjejnë gjithë miqësinë e afërsinë tonë në këtë moment të tmerrshëm”.
