Ministri i Jashtëm, Gent Cakaj ka pritur ditën e sotme në Tiranë homologun e tij turk, Mevlut Çavuşoğlu.
Pas takimit, dy zyrtarët dolën në një konferencë të përbashkët për mediat. Gjatë konferencës, ministri turk u pyet lidhur me numrin e gylenistëve që ndodhen në vendin tonë.
Ai tha se nuk ka shifra të sakta në lidhje me këtë çështje, teksa shtoi se ka kërkuar kthimin e anëtarëve të FETO-s.
“Nuk kam shifra të sakta, por kemi kërkuar kthimin e anëtarëve të FETO-s. FETO një organizatë e kontrolluar nga shërbime sekrete të disa vendeve, dhe përbën kërcënim jo vetëm për Turqinë Shqipëria ka hedhur disa hapa, presim të vijojmë më tej. Nuk dëshirojmë që Shqipëria të jetë portë sigurie për FETO-n. Mendojmë se prania e FETO-s. është një rrezik e kërcënim për sigurinë e të ardhmen e Shqipërisë. Duhet të hedhim hapa për të ardhmen tonë, ia shpjegova mirë këtë z.Cakaj do ia shpjegoj edhe kryeministrit Rama”, deklaroi ministri turk.
