Disa qytete në Greqi, përfshirë dhe Athinën mëngjesin e djeshëm janë prekur nga moti i keq, ku si pasojë u shënuan 15 viktima dhe 17 të tjerë të plagosur.
Katastrofa natyrore që sulmoi Greqinë, ka shkaktuar dhe dëme të konsiderushme materiale, duke nisur që nga shtëpitë e përmbytura e automjetet e shkatërruara.
Nënkryetari i komunës së Nea Peramos, Stavros Fotiou u shpreh se: Rrugët tona janë shkatërruar plotësisht, rreth një mijë shtëpi janë përmbytur, gati një e treta e qytetit. Kemi humbur çdo gjë është një fatkeqësi biblike.
Përmbytje patëm edhe në vitin 1999, por kjo i kalon përmasat e normales. Vala e baltës erdhi si një cunami. Gjithsej në zonën e Mandra janë 160 thirrje për ndihmë, pasi popullsia është e tëra nën ujë.
“Ne po bëjmë gjithçka që mundemi për t’u marrë me problemet që kanë lindur. Thirrjet për ndihmë i kanë tejkaluar 160, ndërsa këtë herë janë 60 zjarrfikës me 25 automjete “, thekson zëdhënësja e agjencisë së lajmeve maqedonase Fire, Stavroula Malliri.
