U bë një kohë e gjatë që mediat rozë flasin për një romancë të mundshme mes Kejsi Tolës dhe Flori Mumajesit.
Thashethemet e para nisën pas afrimitetit të tyre në “Kënga Magjike”, dhe gjestet romantike të Florit për Kejsin.
Duket se këtyre zërave u erdhi fundi, pasi këngëtarja ka zgjedhur që të flasë për këtë çështje. E pyetur nga Dojna Mema në intervistën e dhënë për “Pop Culture”, Kejsi u shpreh se mes tyre ka vetëm një miqësi të pastër, dhe asgjë më shumë.
“Flor Mumajesi më ka dhuruar dy këngë që unë i dua shumë, ‘U rritëm’ ka qenë e para dhe pastaj ‘Më ke mua’ që unë e kam thënë që është kënga e jetës sime, sepse teksti dhe çdo gjë ishte shumë për mua, por dhe për të gjithë ne. Është një këngë që na përfshin të gjithëve. Është një profesionist shumë i mirë, edhe kaq mund të them për marrëdhënien me Florin dhe unë vërtet e kam shumë xhan”.
