Kandidati i pavarur për Bashkinë e Leshës, Eduart Ndocaj ka votuar sot, ndërsa ka dhënë edhe një mesazh për shqiptarët.
Teksa ka publikuar foto nga kutia e votimit, ish-deputeti shkruan se pjesëmarrjen në votime nuk e shef aspak si anormale, ndërsa shton se shqiptarët dinë ta përqafojnë demokracinë dhe votën e lirë.
“Unë mendoj se kjo ditë është siç është parashikuar, një ditë e qetë ku shqiptarët dolën të votonin të ardhmen e tyre. Uroj të vijoj kështu, jam i bindur që do të vijoj kështu sepse nuk shikoj asnjë anomali dhe problem të paktën në rrethin e Lezhës.
Unë mendoj se shqiptarët dinë ta përqafojnë demokracinë dhe votën e lirë. Unë shpresoj që të jem fituesi por e di që qytetarët e Lezhës do të bëjnë zgjedhjen e duhur.
Të protestosh është demokratike dhe unë nuk e shikoj si anormale, ndërkohë që të dëmtosh shkollat unë nuk e quaj normale, sepse nuk mund të cenohet prona. Unë I falënderoj të gjithë që kanë treguar qytetari, qytetarët e Lezhës kanë treguar që janë qytetar të devotshëm”, shkruan Ndocaj.
